Til Kristínar</h1> <article> <h1>Til Kristínar</h1> <p>Tue, 24 Oct 2006 18:58:03 GMT</p> <p>Það er allt og ekkert að gerast í mínu lífi þessa dagana. Það er alltaf eitthvað að gera, en það er allt það sama. Skólinn, læri reyndar minnst heima, LMA, þarf að koma öllu stóra batteríinu af stað og eignast peninga, hagsmunaráð, það er reyndar nýtt, ég er afar mikilvæg manneskja og þarf að mæta á marga fundi. Fór á mjög áhugaverðan fund áðan við Huginsstjórnina. Það var fyndið, Sunna af öllu fólki þoldi ekki við lengur og fór, en Auður sat sem fastast.</p> <p>Já og svo keypti ég mér kort í ræktina um daginn. Þetta gæti sjokkerað marga sem þekkja mig, eðlilega. Þetta sá enginn fyrir. En haldið ykkur fast því þetta er ekki búið enn: Ég fer fyrir skóla! Það þýðir að ég vakna klukkan hálf sjö á morgnana! og ég er búin að fara alveg svona þrisvar. Ég ætlaði ekki að trúa sjálfri mér í fyrsta skiptið en ég er að fyllast trú á sjálfa mig, þó að mig hafi nú óneitanlega mest langað að sofna í pottinum þegar ég mætti í morgun.</p> <p>Jæja Kristín mín. Vonandi gleður þetta þig, þó að ég hafi ekki frá neinu að segja. Var samt að hugsa um að blogga eitthvað um daginn, en ég er búin að gleyma hvað það var. Ég var einmitt að telja í gær hvað þú værir búin að vera lengi og hvað það væri langt í að þú kæmir heim, svo þú veist að ég hugsa til þín.</p> <p>Við sjáumst!</p> </article> <article> <h1>Eitt blogg enn</h1> <p>Sat, 12 Aug 2006 10:50:21 GMT</p> <p>Einhvertíma ákvað ég að ég væri ekki orðin gömul fyrr en ég færi að lesa minningargreinarnar í mogganum. Nú er svo komið að ég skanna þær, veit ekki af hverju, en þessi hegðun hræðir mig. Vona að þetta tengist vinunni minni í kirkjugarðinum. Þar er ég búin að hafa það afskaplega gott í góða veðrinu í sumar og verða mér út um alveg sæmilega brúnku, sem var augljóslega markmiðið með þessari vinnu. Ég er að fara til Kaupmannhafnar eftir tæpar tvær vikur og var að uppgötva mér til skelfingar að ég gæti ekki talað dönsku þó að brjálaður Dani beindi byssu að hausnum á mér og segði mér að gera það. Ég verð að vera dugleg að æfa mig. Það var eitthvað fleira sem ég var alveg ákveðin í að gera í sumar, en ég gleymdi hvað það var. Þannig að ég er ekkert búin að gera nema vinna og hangsa. Það er sanmt gott sko. Æi ég verð að fara og fá mér að borða. Það er annað sem ég hef gert mikið af í sumar. Held að ég sé án gríns að borða sjö sinnum á dag og ég er samt alltaf svöng. Svona næstum. Prófið þetta: Spyrjið mig, hvenær dagsins sem er, hvort að ég sé svöng. Ég segi já í 4 af 5 skiptum, allavega. </p> <p>Af hverju er ég að horfa á páskaunga á hausnum á síðunni? Ég man ekki eftir að hafa sett þetta á?</p> </article> <article> <h1>La vita e bella</h1> <p>Sat, 03 Jun 2006 20:26:11 GMT</p> <p>Mm. Mér finnst ég svo frjáls. Ég elska þessa tilfinningu. Ég er búin í prófum og byrja ekki að vinna fyrr en 19. júní. Framundan er bara sól, söngur og búðir(ohh ég er svo mikil gelgja). Markmið mitt fyrir Slóveníu er að versla frá mér allt vit fyrir svo dásamlega lítinn pening. Nei allt í lagi, ég á mér háleitari markmið en það. Ég ætla að drekka í mig menningu Vínar- og Slóveníubúa og njóta lífsins með yndislegu peðunum áður en við dreifumst um öll lönd og jarðir og erum allar að vinna á sitthverjum tímanum og getum ekki hist.</p> <p></p> <p>Ljubljana í Slóveníu</p> <p></p> <p>Vín...</p> <p>Til að fagna próflokum í gær fórum við á trampólínið hennar Hildar Söru. Ég sveif. En dásamlegt. Ég sé það í hillingum. Ég verð að hringja í hana á eftir og fá að taka aðra umferð. Trampólínið er besta uppfinning í heimi. Þvílíkt áhyggjuleysi og frelsi. Veðrið er líka svo gott. Ég elska sumarlyktina, nýslegið gras og sólarvörn. Ég verð að slá gras og planta blómum í kirkjugarðinum í sumar. Ég elska að vera í útivinnu. Það verður gaman. Ég er full gleði, þó að ég sé ekki byrjuð að pakka eða búin að athuga hvað mig vantar áður en ég fer úr bænum eftir rúman sólarhring. Ég ætti kannski að gera eitthvað í því. Ó ég veit. ég ætla að gera lista í tölvunni með kössum til að merkja í fyrir framan þegar ég er búin að pakka einhverju, en frábær hugmynd. Mikið var þetta væmið/upplífgandi blogg. Þið megið velja.</p> </article> <article> <h1>Náttúrutalent</h1> <p>Sat, 22 Apr 2006 23:01:38 GMT</p> <p>Ég er klárlega náttúrutalent. Til dæmis í því að spila á þverflautu. Þegar ég ákvað að læra á píanó en ekki þverflautu fór heimsbyggðin á mis við mikinn listamann. Ekki eingöngu fékk ég hljóð úr henni í fyrstu tilraun, heldur tókst mér að framleið ÞRJÁ MISMUNANDI TÓNA, og það er alls ekki eins auðvelt og það virðist. Svo má auk þessara ótrúlegu tónlistarhæfileika nefna færni mína í að klippa hár. Kamilla vældi í mér allt páskafríið um að klippa á sér hárið, en alltaf þegar við vorum úti að labba eða að keyra á milli landshluta. Þangað til eina nóttina að hún dreif mig niður á bað(klukkan eitt) og fékk mér skæri í hendur. Sumir hefðu haldið að þreyta mín og ótrúlegt fliss(sem fékk útrás í ofsafengnu hláturskasti eftir fyrstu umferð á hárinu á henni) hefðu staðið í vegi fyrir töfrunum en nei! Jú ég tók kannski aðeins meira af því en hún bað um að jú hún stöðvaði mig áður en ég náði að klára meistaraverkið en árangurinn leynir sér samt sem áður ekki, sjáið bara með eigin augum við tækifæri. Ég man ekki alveg hvað það var fleira sem mér hefur hlotnast náðargáfa í, en eitthvað var það, já til dæmis notkun brúnkuklúta. Ég nenni ekki að skrifa þá sögu. Ég skal bara sýna þeim ykkar sem ég hitti innan þriggja daga.</p> <p>svo var það þetta, fyrir Guðna sem gerði mér mikla ánægju áðan:):</p> <p><strong>Núverandi föt :</strong> Bleikur kjóll, jakki, skór og sokkabuxur <strong>Núverandi skap:</strong> Mjög gott<br> <strong>Núverandi lykt:</strong> Mér finnst sem ég finni.... nammilykt?<br> <strong>Núverandi farði:</strong> Höö... sólarpúður, augnskuggi, gloss, maskari og eyeliner(ég kann ekki einu sinni að nota þannig)<br> <strong>Núverandi áform fyrir helgina/kveldið:</strong> Fara í miðnæturheimsókn í leikhúsið...<br> <strong>Núverandi hatur:</strong> Hvað það er allt of mikið gott til að borða heima hjá mér<br> <strong>Núverandi ósk:</strong> Að sólarhringurinn bæti við sig einum tíu tímum núna um helgina og jafnvel á mánudaginn<br> <strong>Núverandi hár:</strong> Í hnút<br> <strong>Núverandi dót í vösum:</strong> Ég er ekki með neina vasa, bara gervi á jakkanum<br> <strong>Núverandi pirringur:</strong> Ég er ekki pirruð<br> <strong>Núverandi aðhlátursefni:</strong> Auður eða dauði... ohh ég er svo endalaust fyndin!<br> <strong>Núverandi tónlist:</strong> Litla hryllingsbúðin<br> <strong>Núverandi bók:</strong> Njála:(<br> <strong>Núverandi uppáhaldsleikari:</strong> mmmm Johnny Depp?<br> <strong>Núverandi uppáhaldsleikkona:</strong> ég veit það ekki<br> <strong>Núverandi skartgripir:</strong> Perlufesti<br> <strong>Núverandi löngun:</strong> Ekki nammi<br> <strong>Núverandi áhyggja:</strong> Náttúrufræði- og Njálupróf.. og yfirvofandi breytingar<br> <strong>Núverandi mynd:</strong> <br> <strong>Núverandi texti á heilanum:</strong> Búðin mín, litla hryllingsbúðin litla búð... sjalalala hlutinn í þessu lagi en kann ekki textann <strong>Núverandi desktop pic:</strong> <strong>Núverandi eftirsjá:</strong> Að hafa borðað allt þetta nammi áðan <strong>Núverandi skemmtun:</strong> Uhh... engin:(<br> <strong>Núverandi vonbrigði:</strong> Að hafa ekki náð að gera það sem ég ætlaði að gera í dag<br> <strong>Núverandi blótyrði:</strong> Ég blóta aldrei! Nema á útlensku...<br> <strong>Núverandi staður:</strong> Herbergið hans Alexanders<br> <strong>Núverandi hljómsveit:</strong> Skandilán!<br> <strong>Núverandi söngvari:</strong> ...<br> <strong>Núverandi söngkona:</strong> ...<br> <strong>Núverandi land:</strong> Ísland.<br> <strong>Núverandi e-mail:</strong> <a href= "mailto:theodorab_1@hotmail.com">theodorab_1@hotmail.com</a><br> <strong>Núverandi hlutir á veggnum:</strong> Þeim sem blasir við mér: Plagöt af gömlum hljómsveitum eins og guns n' roses og anthrax<br> <strong>Núverandi uppáhaldþættir:</strong> OC<br> <strong>Núverandi litur:</strong> Blár<br> <strong>Núverandi hlutur til að hlakka til:</strong> Slóvenía, Austurríki og Þýskaland í þarnæsta mánuði.<br> <strong>Núverandi Msn manneskjur:</strong> Auður<br> <strong>Núverandi manneskja til að forðast:</strong> mmm... ég elska alla.<br> <strong>Núverandi vinir:</strong> Ég ætla að nefna Guðna og Gumma fyrir glaðininginn áðan en annars vitið þið hver þið eruð<br> <strong>Núverandi sársauki:</strong> Illt í bakinu eftir að hafa setið of lengi við tölvuna<br> <strong>Núverandi texti sem lýsir þér:<em> </em></strong>Nei nú er nóg komið af spurningum sem ég get ekki svarað!</p> </article> <article> <h1>Peter Pan komplex</h1> <p>Thu, 13 Apr 2006 19:08:33 GMT</p> <p>Kom til Vopnafjarðar í gær og nýt þess svo sannarlega að gera ekki neitt. Við Kamilla fórum í sögugöngu um bæinn og ég komst í snertingu við barnið í sjálfri mér(eins og sú snerting sé ekki næg fyrir) og grét horfna æsku. Við brutumst pínulítið og óvart inn í einn garð sem er mér afar kær. Það var mjög ljúfsárt. Það var samt allt gert í þeim tilgangi að komast upp á Háa Hraun þar sem við lékum okkur mikið sem börn. Ó, minningarnar helltust yfir mig eins og flóðbylgja. Öll húsin sem við bjuggum til, leikirnir, vaskurinn, grillið, bílabrautin fyrir ofan hjá ömmu. Mikið sakna ég þess að vera krakki. Tók svo góða biturðar- og hneykslunarrispu þegar við komum að leikskólanum. Það er búið að taka bátinn!!! Það er allt að verða farið þaðan sem ég lék mér í. Heimur versnandi fer segi ég nú bara. En nema þú hafir verið með mér á leikskóla og/eða alist upp með mér er eþtta blogg örugglega búið að vera hundeiðinlegt þannig að ég ætla að skrifa um eitthvað sem ekki tengist barnæsku minni eða hversu reið ég er yfir að neyðast til að verða bráðum fullorðin. Ég hef birt hér allnokkrar færslur um það.</p> <p>Í gleðifréttum(en nokkuð gömlum): MA sigraði Gettu betur!Ó þvílík dásemd! Ásgeir, Magni og Tryggvi eru hetjur! Eftir gettu betur hélt fjörið bara áfram yfir helgina. Við gistum svona nokkuð margir MAingar uppi í MR og þurftum að láta okkur hverfa fyrir átta daginn eftir. Ég man ekki hver vakti mig kl korter í sjö á föstudagsmorguninn en ég hataði hann miklu minna en ég hélt ég myndi gera og finnst ég eiga hrós skilið fyrir það. Við fórum í morgunmat í Súlnasal á radison sas og svo í sund. Seinna um daginn fórum við í keilu þar sem ég tapaði. Það er bara ekki til sú íþrótt sem ég er góð í. ;(. Það er sárt. Já og það má auðvitað ekki gleyma menningargönguferðinni. Þar ber hæst að nefna fyrirlestur Júlíusar um Kristján 9.(á dönku) og skemmtimenntunina í þjóðminjasafninu.Um kvöldið sáum við Forðist okkur í Borgarleikhúsinu. Það var mjög steikt og öðruvísi og ég var hrifin. En það voru ekki allir á einu máli. Á laugardeginum fórum við svo öll í brunch til Valgerðar vinkonu minnar Sverrisdóttur í ráðhúsinu. Ég gekk um með appelsínusafa í kristalsglasi og ræddi heimsmálin með yfirlætisfullum svip.Einhverveginn endaði ég svo uppi í smáralind með Kristján sem stílista en hann reyndist fullkomlega gagnlaus. Fór út að borða á Asíu og á söngkeppni frhskólanna að hvetja MA svona fjórum tímum of seint. Enda unnum við ekki. En mér er alveg sama. Við unnum Gettu betur!</p> <p>Blogga eflaust aftur fljótlega þar sem ég nenni engan veginn að gera eitthvað nytsamlegt(læra).</p> </article> <article> <h1>Best</h1> <p>Mon, 27 Mar 2006 23:51:51 GMT</p> <p>Fyrir þau ykkar sem þekkja það ekki mæli ég með því að þið verðið ykkur út um achtung x-mas með Tyskarna från Lund. Þýskt teknó veður ekki betra. Svo yrði ég mjög þakklát þeim sem getur reddað mér soundtrackinu úr Glámi og Skrámi í Sælgætislandi.</p> <p>bless.</p> </article> <article> <h1>Update: Íslenskuritgerð</h1> <p>Tue, 21 Mar 2006 22:04:24 GMT</p> <p>Ég var í bubbles í 20 mín áður en ég gat byrjað á ritgerðinni:</p> <p> Theodóra:0 Vondi kallinn:1</p> <p>Ég er í alvöru að skrifa eitthvað af viti núna:</p> <p> Theodóra:1 Vondi kallinn:1</p> <p>Nei ég er að blogga núna:</p> <p> Theodóra:1 Vondi kallinn:2</p> <p>Ég tapa.</p> <p>hahahahahahha</p> <p>Ég hlæ til að gráta. </p> </article> <article> <h1>Á Vopnafirði</h1> <p>Sat, 18 Mar 2006 16:59:29 GMT</p> <p>Kom með rútu í gær. Gæti sagt mjög vandræðalega sögu af því en ætla að sleppa því. Planið var að læra mikið og ég er alveg búin að læra smá. Við Kamilla fórum í gönguferð áðan og enduðum uppi á þaki á Sólgarði. Nýttum tækifærið þar sem það var enginn þarna til að banna okkur það. Reyndar keyrði pabbi fram hjá eftir svona þrjár mínútur. Sátum þar einar með þögninni og hvor annari í smá stund og ég hugsaði til baka til uppvaxtaráranna þangað til Kamilla gat ekki setið lengur vegna orðspors síns. Ekki spyrja. Svo var líka orðið kalt því við vorum berfættar. Mmmm ég þrái baðkarið í Sólgarði, það er stórt og með nuddi og það kemur alltaf mikil froða. Svo fékk ég mér köku og ætlaði svo að byrja á ísl ritgerðinni sem ég á að skila eftir sex daga. Hún verður að klárast í dag og í síðasta lagi í morgun. Annars hef ég ekki tíma til að skrifa hana. Það hefði alveg verið sniðugt að byrja fyrr því allt í einu er ég að fara í fjögur próf og á að skila einni rigerð í næstu viku. Samt eru bara þrír kennsludagar.</p> <p>Jæja ég ætla að reyna að byrja. Hugsið fallega til mín. Ahh ég er ekki einu sinni með hagnýt skrif! TOSSTOSSITOSSTOSSI ég er búin að missa allan metnað. Ég þoli ekki sjálfa mig.</p> <p>bæ.</p> </article> <article> <h1>díSætur sigur</h1> <p>Fri, 03 Mar 2006 16:50:10 GMT</p> <p>Þvílíka gleðivímu man ég ekki eftir að hafa fundið. En ég er reyndar með mjög skert skammtímaminni. Eftir sem áður var kærkvöldið svo sannarlega eitthvað sem lengi verður í minnum haft. Ég er svo stolt af gettu betur liðinu okkar, og skólanum mínum öllum ef út í það er farið. Við lögðum af stað upp úr hálfeitt(í stuðrútunni) og styttum okkur stundir í bíómyndaleiknum(í svona tvo klukkutíma) og yfir byrjuninni á batman forever(við fengum leifarnar, batman forever og shaft). Við stoppuðum í Kringlunni og þar hitti ég pabba, Kristínu og Natalíu. Ég kenndi henni að sjúga úr röri. Eða, hún fattaði það með rörinu mínum, eða eitthvað. Við mættum á fiskislóð upp úr sjö og hituðum upp með því að öskra úr okkur röddina. Ég lenti óvart í sætinu fyrir aftan Jón Má og leist ekki alveg á, en náði að snúa mig út úr því. Svo hófst útsending og svona klukkutíma seinna vorum við búin að vinna(þeas strákarnir). Ahh þvílík sæla! Ég var næstum búin að stökkva á Rektor MR og faðma hann í misgripum(veit ekki í misgripum fyrir hvern, hann er hávaxinn og gráhærður). Á leiðinni heim horfðum við á Fuglastríðið. Langt síðan ég sá hana síðast. Gerði mér virkilega ekki grein fyrir því hversu óheppilegt sjónvarpsefni þetta er fyrir barn. Til dæmis þetta: "Við hötum þig. Þú ert heimsk og feit", svo ekki sé talað um allt ástarbrallið. Svo bilaði eitthvað miðstöðin í rútunni(veit ekki alveg, ég var hálfsofandi), ég vaknaði hálffrosin við gólfið og sá þann kost vænstan að hjúfra mig upp að Auði og klæða mig í vettlinga utan yfir ullarsokkana til að bjarga lífi og limum. Ég komst lifandi heim í rúmið mitt að lokum og mætti meira að segja í skólann í morgun:)</p> <p>og já þetta:</p> <p style="MARGIN: 0cm 0cm 0pt"><strong>4 störf sem ég hef unnið um ævina(Þau sem standa uppúr):</strong></p> <ol> <li style="MARGIN: 0cm 0cm 0pt">Barnapössun</li> <li style="MARGIN: 0cm 0cm 0pt">Uppvaskari og borðaaftakari</li> <li style="MARGIN: 0cm 0cm 0pt">Bréfberi</li> <li style="MARGIN: 0cm 0cm 0pt">Túristaskemmtari(hef í rauninni ekki hugmynd um hvað ég vann við sumarið 2004)</li></ol> <p style="MARGIN: 0cm 0cm 0pt"><b>4 bíómyndir sem ég gæti horft á aftur og aftur:</b></p> <ol> <li> <div style="MARGIN: 0cm 0cm 0pt">Meet Joe Black</div></li> <li> <div style="MARGIN: 0cm 0cm 0pt">Pirates of the Caribbean</div></li> <li> <div style="MARGIN: 0cm 0cm 0pt">Bridget Jones, hvor þeirra sem er.</div></li> <li style="MARGIN: 0cm 0cm 0pt">Charlie and the chocolate factory</li></ol> <br> <br> <p style="MARGIN: 0cm 0cm 0pt"><b>4 staðir sem ég hef búið á:</b></p> <ol> <li style="MARGIN: 0cm 0cm 0pt">Kolbeinsgata 14, Vopnafirði</li> <li style="MARGIN: 0cm 0cm 0pt">Lónabraut 3, Vopnafirði</li> <li style="MARGIN: 0cm 0cm 0pt">Lónabraut 35, Vopnafirði</li> <li style="MARGIN: 0cm 0cm 0pt">Akurgerði 5a, Akureyri</li></ol> <p style="MARGIN: 0cm 0cm 0pt"><br> <b>4 sjónvarpsþættir sem mér líka:</b></p> <ol> <li style="MARGIN: 0cm 0cm 0pt">The O.C.</li> <li style="MARGIN: 0cm 0cm 0pt">The Simpsons</li> <li style="MARGIN: 0cm 0cm 0pt">Dexter's Laboratory</li> <li style="MARGIN: 0cm 0cm 0pt">Friends</li></ol> <p style="MARGIN: 0cm 0cm 0pt"><b>4 síður sem ég skoða daglega fyrir utan blogg:</b></p> <ol> <li style="MARGIN: 0cm 0cm 0pt">muninn.is</li> <li style="MARGIN: 0cm 0cm 0pt">ma.is?</li> <li style="MARGIN: 0cm 0cm 0pt">ég fer ekki einu sinni</li> <li style="MARGIN: 0cm 0cm 0pt">daglega í tölvuna</li></ol> <p style="MARGIN: 0cm 0cm 0pt"><strong>4 staðir sem ég hef heimsótt í fríum:</strong></p> <ol> <li style="MARGIN: 0cm 0cm 0pt">Kanaríeyjar '99</li> <li style="MARGIN: 0cm 0cm 0pt">Kaupmannahöfn '04</li> <li style="MARGIN: 0cm 0cm 0pt">Svíþjóð+Finnland '04</li> <li style="MARGIN: 0cm 0cm 0pt">London '06</li></ol> <p style="MARGIN: 0cm 0cm 0pt"><b>4 matarkyns sem ég held uppá:</b></p> <ol> <li style="MARGIN: 0cm 0cm 0pt">Kjúklingur</li> <li style="MARGIN: 0cm 0cm 0pt">Heimagerð pizza með papriku, sveppum, maís og brokkolí</li> <li style="MARGIN: 0cm 0cm 0pt">Nammiskúffukaka</li> <li style="MARGIN: 0cm 0cm 0pt">Mjólkurgrautur með saft og rjóma</li></ol> <p style="MARGIN: 0cm 0cm 0pt"><b>4 staðir sem ég vildi heldur vera á núna:</b></p> <ol> <li style="MARGIN: 0cm 0cm 0pt">Uppi í rúmi</li> <li style="MARGIN: 0cm 0cm 0pt">Ítalíu</li> <li style="MARGIN: 0cm 0cm 0pt">Í sundi</li> <li style="MARGIN: 0cm 0cm 0pt">Í ísbúðinni sem mig dreymdi í nótt</li></ol> <p style="MARGIN: 0cm 0cm 0pt">Ég ætla að láta drauma mína rætast og fara að leggja mig. Sjáumst.</p> </article> <article> <h1>Niðurdrepandi</h1> <p>Thu, 16 Feb 2006 19:41:45 GMT</p> <p>Ég var að gera mér grein fyrir því að ég fer í fjórða bekk á næsta ári. En hræðilegt! Ég er í svo mikilli sálarkreppu vegna minnar hröðu öldrunar.</p> <p>Ég held að það sé örugglega margt áhugavert sem ég gæti sagt frá en skammtímaminni mitt jafnt sem langtíma- er ekki í toppformi vegna þess að ég er orðin svo kölkuð.</p> <p>Bíddu jú þetta er eitthvað að koma aftur...</p> <ol> <li>London: Í vetrarfríinu fór ég með Auði og Albert til London. Ó hvílík dásemd. Byrjuðum reyndar á að skreppa til Elloughton(held að það sé skrifað svona) til Sölku og fara í búðir í Hull. Það var frábært, svo fórum við til London með rútu. Við stóðum okkur stórkostlega sem túristar og fórum á tveggja hæða sight-seeing bus og sáum allt það merkilegasta, Big Ben, Trafalgar square, London Eye og fleira. Við fórum á London Dungeon og Madame Tussauds. Þar hitti ég fyrir Brad Pitt, George Clooney. Colin Farrell og fleiri góða. Þetta var svo raunverulegt að ég stóð mig að því að stara á einhverja gellu og reyna að koma því fyrir mig hver þetta ætti að vera þangað til hún fór að hreyfa sig og ég fattaði að þetta var alls ekki vaxmynd. National gallery var ótrúlega flott! Ég held að ég hefði í alvöru getað farið að gráta þarna inni. Ekki síst vegna þess að við höfðum ekki nema þrjú korter og hefðum getað verið þarna allan daginn. Við sáum Madonna of the rocks eftir Da Vinci, Sólblómin eftir Van Gogh, the Ambassadors og Arnolfini(lærði um þau bæði í sögu í vetur). 29. janúar var Chinese new year og þá var allt fullt af Kínverjum á Trafalgar square og rosa hátíðahöld. Heima í Camden var okkur boðið dóp á hverjur horni(ótrúlega fyndnir svartir gaurar sem hvísluðu út í loftið þegar maður gekk framhjá) og eitt kvöldið þegar við komum heim var búið að loka lestarstöðinni okkar og girða hana af. Komumst að því daginn eftir að það hafði einhver verið stunginn þarna og að stöðin var nú crime scene.</li> <li>Bachelorette: Ekki spyrja hvernig ég endaði þarna. Þetta var allavega brjálæðislega fyndið. Fréttir af trúlofun minni eru samt örlítið ýktar. Við ætlum ekki að gifta okkur fyrr en eftir skólann. Það er nú reyndar ekki svo langt í það:$ Þetta kom betur út en ég hafði þorað að vona og ég ákvað, andstætt því sem ég hafði haldið, að mér væri óhætt að mæta í skólann þessa vikuna.</li> <li>Stundataflan mín: Ég get endalaust vorkennt sjálfri mér í þessu máli. Ég er í 42 tímum á viku. Þrisvar í viku til fjögur og tvisvar til hálf þrjú. Ég vissi ekki að þetta væri hægt og hélt í alvörunni að þetta væri brandari.</li> <li>Stærðfræðipróf: HaHAHAhahahah... Já það er allavega langt síðan mér hefur gengið jafn illa í stærðfræðiprófi. Þarna var einmitt eitt 30% dæmi sem kennarinn hafði sagt okkur daginn áður að leggja ekki áherslu á og tvær skilgreiningar sem ég hafði ekki gert mér grein fyrir að ég ætti að læra og bjó því til á staðnum. Það var mjög fyndið.</li> <li>Vopnafjörður: Fór á Vopnafjörð um síðustu helgi. Stoppaði innan við tvo sólarhringa en það er samt alltaf æðislegt að komast þangað og gera ekki neitt! Natalía kann að segja mamamamma og babababa og oppa og skilur fullt. Hún er líka komin með tönn og beit mig svo fast að ef maður horfði mjög vel sást það. Hún kann að klappa, hoppa, klifra upp stiga og ég kenndi henni að bursta tönnina. Ég er stoltasta stóra systir í heimi, ég veit. Ég fór í sund og sat þar í heitum potti og hlustaði á pabba og kunningja hans tala um veðrið. Mér finnst gaman að fylgjast með fólki. Á sunnudaginn fór ég svo heim með rútu sem tók jafn marga í sæti og bíllinn hans pabba, 8 stykki. Skipti reyndar á miðri leið og lenti þar á þeim fyndnasta rútubílstjóra sem ég hef hitt. Hann var svona "nei heyr á endemi, bittinú og bittinú, nú er ég aldeilis hissa" týpan og stoppaði í Mývatnssveit og spurði okkur öll hvort við þyrftum nokkuð að pissa.</li></ol> <p>Vá ég var svo lengi að skrifa þetta að ég var búin að gleyma hvað var svona niðurdrepandi. Gaman samt að rifja það upp...</p> </article> <article> <h1>Þetta er náttúrulega bara ekki í lagi</h1> <p>Tue, 07 Feb 2006 10:09:12 GMT</p> <p>Sorry please.</p> <p>Eftir að hafa skolfið úr kulda allan gærdaginn ákvað ég að sýna fyrirhyggju og mætti í ullarsokkum og með aukapeysu í skólann. Þegar ég nálgaðist kvosina svo á leið í frímínútur fann ég að nú væri rétti tíminn til að taka peysuna upp. Óttalaus og stolt fór ég í bangsímonpeysuna mína yfir aðra peysu, settist niður, glöð í bragði og beið eftir að verða hlýtt. En allt kom fyrir ekki. Það er alltaf sami skítakuldinn, og það er líka kalt í tölvustofunni. Ég ætla að gera eitthvað róttækt...</p> <p>Thank you please.</p> </article> <article> <h1>Nú er heimurinn góður aftur</h1> <p>Tue, 24 Jan 2006 10:57:53 GMT</p> Ahh. Ég er svo hamingjusöm. Prófin eru búin og ég held að þetta hafi allt farið vel. Er allavega mjög hamingjusöm með það sem ég er búin að fá og þar á meðal er stærðfræði. Ég er sátt. Næst: LONDON BABY! Sjáumst... </article> <article> <h1>Saga: Fokk jú!</h1> <p>Sat, 21 Jan 2006 23:55:13 GMT</p> <p>sjitfokksjit maður hvað það er geðveikislega mikið efni sem ég þarf að kunna fyrir þetta sögupróf. Mér fallast bara hendur. Ég lærði í allan dag og samt kann ég ekki neitt. Svona raunsætt séð eru miklu betri líkur á að ég falli í þessu en stæ. Og ég var nógu slæm fyrir það próf. Mig langar að nota tækifærið og biðja Auði opinberlega afsökunar á minni gríðarlegu skapvonsku á mánudaginn. Ég bara réð ekki við mig, ég var svo reið við heiminn og sjálfa mig. Ég verð skemmtilega örvæntingarfull annað kvöld. En svona er að fylgjast ekki neitt með heila önn og halda að maður geti unnið það upp á tveimur dögum. Æi fífl. Ég er að verða geðveik og get ótrúlega mikið ekki beðið eftir að komast til London með uppáhaldsfólkinu mínu. Þvílík gleði. Ég þarf samt að finna vegabréfið mitt...</p> </article> <article> <h1>2005-2006</h1> <p>Wed, 18 Jan 2006 13:09:42 GMT</p> <p>Ég ætlaði alltaf að skrifa einhvern annál hérna en það er kannski að verða svolítið seint. Stuttan bara:</p> <p>2005 var virkilega gott ár. Það verður erfitt fyrir 2006 að slá það út. Ég sakna 2005. Það byrjaði reyndar með hræðilegum prófum. STÆ103 þeirra verst. Það var hræðilegt. Nóttina áður dreymdi mig þríhyrninga og svo vaknaði ég sex um morguninn og gat ekki sofnað. Þessi próf redduðust svo á endanum. Í febrúar fór ég á flótta hjá Rauða krossinum og eins hræðlegt og það var var það ótrúlega gaman og ég hefði alls ekki viljað missa af því. Við Steingrímur fórum með Auði á þorrablót í Skagafirði og æfingar fyrir Ríginn hófust á fullu um mánaðarmótin. Rígurinn er eitt af tvennu sem virkilega stendur upp úr. Ég veit ekki hvar ég væri án Rígsins. Stór hluti vina minna í dag er fólk sem ég kynntist þar. Ég þori ekkei að nenfa nein nöfn af ótta við að gleyma einvherjum og móðga en þið vitið hver þið eruð. Án Rígsins væri ekkert Al,AuogThe, ekkert teiknimyndakrú... Það er sorgleg tilhugsun. Þetta var dásamlegur tími og gleymist aldrei. Annað af tvennu sem upp úr stendur gerðist 11. maí. Þá kom litla systir mín(númer 2) í heiminn. Hún er yndislegast barn sem ég veit um en hún býr alltof langt í burtu og stækkar of hratt. </p> <p></p> <p>Litla krúsin mín í jólafötunum</p> <p></p> <p>Elsku elsku sæta sæta </p> <p>Í sumar vann ég á Kaffi Torgi og á hestabúgarði í Þýskalandi með Auði. Það var geðveikt, hestaskítur og sólskin. Rétt áður en við fórum stakk Björg af til Kína, af öllum stöðum. Við peðin héldum stórgott kveðjupartý fyrir hana og söknuðum hennar sárt í vetur. Þegar við Auður komum heim fórum við beint í skólann og tækluðum náttúrufræðibrautina svona líka. Litla systir mín(númer 1) var mér að óvörum byrjuð í MA líka og ég verð þess vegna að passa mig mjög að falla ekki. Það værio mjög vandræðalegt í fjölskylduboðum. Við Auður höfðum um margt betra að hugsa en stærðfræði því að einhvernveginn höfðum við lent í LMA stjórn og það var um margt að hugsa. Eftir miklar fundarsetur fyrstu vikurnar ákváðum við að drífa leikritið upp fyrir jól og þrátt fyrir mjög knappan tíma sýndim við ósýnilega köttinn í desember. Það var brjáluð keyrsla en samt sem áður frábær tími, komst einmitt í góðan Karó-slúðurhóp þar. Það var brjálæðislega mikið að gera í skólanum og oft var ég á barmi taugaáfalls en aldrei þó eins og um síðustu helgi. En það er önnur saga. Jólin komu og voru góð og áramótunum eyddi ég á Vopnafirði.</p> <p>Nú á þessu ári hef ég hins vegar þurft að súpa seyðið af tossaskap mínum og læra tólf tíma á dag í þessari próftíð. En ég kláraði allavega stæ í gær(held að ég sé örugglega ekki fallin) og það er fyrir öllu. Og sögu. Úps. Vildi að ég hefði fylgst með í vetur. Ég er svo mikill aumingi. Það kom hins vegar eitt alveg frábært fyrir mig áðan. Ég var að koma heim úr skólanum og kemur þá ekki bara Björg Finnbogadóttir keyrandi upp götuna mína. Ótrúlega var gaman að sjá hana! og bara ótrúlegt! Hún er í mánaðarfríi úr kínverskuskólanum og komin heim. Elsku Björg. Peðin verða sameinuð á ný í kvöld. Ég get ekki beðið og þetta dönskupróf má sko bara eiga sig. Þetta er mikilvægara.</p> <p></p> <p>Björg sæta prinsessa- stolið frá <a href= "/blomarose">www.blog.central.is/blomarose</a></p> </article> <article> <h1>Frí</h1> <p>Fri, 30 Dec 2005 18:21:52 GMT</p> <p>Mikið er gott að geta sofið á morgnana. Mmm, ah! Ég er komin á Vopnafjörð og það er bara nokkuð ljúft. Það sem litla barnið hefur orku í að öskra samt. Hún er yndisleg. Ég er búin að borða svo mikið að ég ætti tæknilega að vera dáin eða eitthvað en það sér bara ekkert svo mikið á mér. Hjúkket! Ég er ekki búin að gera mikið í fríinu, enda var það ekki til þess hugsað. Nema læra. Ahh... ég á að vera að læra alveg rétt. Byrjaði reyndar á að vinna allt of mikið fyrir jól og hafði því ekki tíma til að kaupa jólagjafir fyrr en á Þorláksmessu. Mjög góð hugmynd. Fékk til dæmis uppljómun varðandi gjöfina hennar Auðar klukkan 22:20 í bónus og lét Bela lána mér símaskrá svo ég gæti hringt út um alllt eftir henni. Hún var mjög góð en virkar samt ekki þannig nema maður þekki til. Fékk yndislegar jólagjafir sem voru hver annarri betri og persónulegri. Prjónaði nokkuð samfleytt í þrjá daga og á nú nýjan, mjög flottan, trefil. Er búin að hitta peðin (elskurnar), Auði og Albert í sundi(Auður vældi frá því tíu mínútum eftir að við komum um hvað það væri ógeðslegt veður og hvort við ættum ekki að koma í einn og hálfan klukkutíma, en svo þagði hún í klukkutíma því hún nennti ekki að hreyfa sig, og samræðurnar voru aðallega rifrildi milli okkar allra um hvað ég ætti að synda margar ferðir.) og Auði, Önnu og Albert í Kjarna(kalt) og Brynju(mjög kalt, og ég skulda Önnu ennþá, alveg rétt!). Ég fór í fullt af jólaboðum og í bíó á a little trip to heaven með Kamillu. Rakst einmitt á vin minn sem ég hafði aldrei hitt áður, áhugavert og svolítið vandræðalegt. Ætlaði á King kong með Auði, systkinum hennar og Al en nema hvað það var uppselt og ég endaði því með Alberti og Kamillu að horfa á Nóa Albínóa. Þar kom ýmislegt í ljós. Það meikar mun meira sens núna af hverju Albert leggur metnað sinn í að kalla allar stelpur sem hann þekkir feitar. Hann vildi reyndar meina að hann hefði aldrei séð hana áður, en þetta bara hlýtur að vera skýringin. Hvaða heilvita strák dytti þetta annars í hug?</p> </article> </main></body></html>